БОЖИЌЕН МАРКЕТ ВО ВОЈВОДИНА И УНГАРИЈА

(Ергела Келебија-Сегедин-Суботица)

Дворец како од бајките, дива убавина и спокојство, липицанери, фијакери, раскошна архитектура …

(07.12.2023 – 10.12.2023)

Прв ден: 07.12.2023 (четврток)

21:30 часот заминување на групата од Кавадарци и во 23:00 часот од Скопје кон Војводина со туристички автобус преку граничниот премин Табановце, со попатни одмори.

Втор ден: 08.12.2023 (петок)

Пристигнување во претпладневните часови на најсеверниот дел од Бачка, во селото Келебија кое се наоѓа на само десетина километри од центарот на Суботица и на 500 метри од границата со Унгарија. Сместување на групата во Хотел Вила „Majur“ 4****, преубав објект кој потсетува на дворец од бајките (http://www.vilamajur.com/sr/). Хотелот е опкружен со прекрасен парк во кој доминираат борот и елата, со уредени патеки за прошетка и летниковци за одмор, вештачко езеро со дрвена куќичка наменета за гуските и шатките… Вистински рај за одмор на душата. Во договореното време заминуваме на разглед на најголемата ергела за одгледување на коњи од расата липицанери, ергелата Келебија која е во сопственост на хотелот (http://www.ergelakelebija.rs/). Изградена е во 1993-та година на површина од неверојатни 25 хектари, а денес тука се одгледуваат 80 липицанери чии матични грла биле купувани од ергелите во поранешна Југославија. Организиран разглед на ергелата и на музејот во кој се наоѓа колекција од повеќе од 30 различни кочии, фијакери, чези и санки. Потоа следува несекојдневно доживување-возење со фијакерите низ преубаво уредениот парк и боровата шума, а сите љубители на јавањето можат со помош на искусните инструктори да пробаат да ги јаваат мирните коњи. Организиран ручек во ресторанот на ергелата. Во попладневните часови враќање во хотелот каде ќе можете да уживате во содржините на хотелот кој има wellness центар: затворен базен, сауна, мини теретана и просторија за масажа. Ноќевање.

Трети ден: 09.12.2023 (сабота)

Појадок. Целодневен излет во соседна Унгарија и посета на еден од најубавите градови -Сегедин кој со право го нарекуваат мала Виена. Градот е познат по својата преубава архитектура; за време на разгледот ќе го видиме Музејот на познатиот писател Ferenc Mora, остатоците од Сегединскиот дворец, хотелот Tisa-некогашно место каде се собирала Сегединската елита, Плоштадот посветен на грофот Istvan Secenјij во кој се наоѓаат некои од најубавите промероци на унгарскарта сецесија, плоштадот Dugonjic на кој е изграден Сегединскиот универзитет, Катедралната црква и плоштадот. По организираниот разглед се препуштаме на божиќната магија на плоштадот кој изобилува на божиќните тезги каде можете да ги пробате највкусните специјалитети и да купите автентични божиќни подароци. Во договореното време враќање назад во хотелот во Војводина. Ноќевање.

Четврти ден: 10.12.2023 (недела)

Појадок. Се одјвуваме од хотелот и заминуваме кон Суботица, градот кој извесно време бил под Австро-унгарска власт што имало најголемо влијание врз стилот на градбите. Во центарот на градот доминира Градската куќа како најголема атракција и Народниот театар. Една од најрепрезентативните градби во бароктен стил е катедралата градена кон крајот на XVIII век, а најубав пример за градба во стилот на сецесијата е Рајхловата Палата, некогашна семејна куќа на архитектот Ференц Рајхл. Организиран разглед на градот со локален туристички водич и слободно време за индивидуални прошетки. Во договореното време заминуваме кон Македонија. Пристигнување во доцните вечерни часови.

ЦЕНА НА АРАНЖМАНОТ………179 евра (11.100 денари)

(плаќање во денарска противвредност)

Во цената на аранжманот се вклучени следните услуги:

– Превоз со туристички автобус

– Две ноќевања со појадок во хотел „Majur“ 4**** на Келебија

– Посета на Eргелата за коњи липицанери „Kelebija“ со вклучена влезница за ергелата и музејот, возење со кочии, јавање на коњи

– Организиран ручек во ресторанот на ергелата

– Организиран разглед на градот Сегедин во Унгарија

– Организиран разглед на Суботица

– Лиценциран туристички водич за време на сите разгледи

– Организација на патувањето и лиценциран туристички придружник

Во цената на аранжманот не се вклучени следните услуги: