Тоскана, Чинкве Тере и Виареџо

ЛЕТО 2026 ВО ТОСКАНА И ЧИНКВЕ ТЕРЕ

Со ГРАТИС ден на ПЛАЖА во ВИЈАРЕЏО! 

Ново – ПОСЕТА на Val d’Orcia и Пјенца најинстаграмџиските места на Тоскана

Од ридовите и лозјата на Тоскана, преку иконските села на Чинкве Тере, ова лето ќе ви понуди уникатно искуство. Во Тоскана ќе се запознаете со нејзината неверојатна историја, природни убавини и живописни пејзажи, додека Чинкве Тере ќе ве воодушеви со своите рибарски села, карпести брегови и морска панорама. Ова патување е идеално за сите кои сакаат да уживаат во италијанската магија и да создадат незаборавни летни спомени!

Програма на патување: 

1.Ден 30.07.2026 (четврток) СКОПЈЕ 

Состанок на групата во 10.30 часот (претпладне) на паркингот кај спортската сала Борис Трајковски. Поаѓање за Италија во 11.00 часот. Дневно и ноќно возење преку Србија, Хрватска и Словенија со попатни паузи за одмор и обавување на царински формалности. За време на патувањето ќе имаме интерактивен автобуски квиз, преку кој ќе се забавуваме, ќе учиме и ќе доделиме награди на најбрзите и најточните патници! 

2.Ден 31.07.2026 (петок) БОЛОЊА – МОНТЕКАТИНИ 

Во утрински часови (во зависност од границите) пристигнуваме во Болоња. По пристигнувањето следи пешачка прошетка низ градот и запознавање со Универзитетска Болоња, величенствен средновековен град со ренесансни палати и аркади. Центарот на градот го сочинуваат два идентични плоштади Маџоре и Нетуно, палатата на кралот Енцо, базиликата на Св. Петроние, фонтаната Нептун… Болоња го носи епитетот учена, црвена и дебела… учена заради универзитетот и ориентација кон културата и образованието, црвена заради теракотните фасади и кровови и дебела заради богатата и  врвна кујна. Патувањето продолжува кон Монтекатини. Пристигнување во попладневните часови и сместување во хотел. Слободно време за одмор од патувањето и индивидувални активности. Вечерна прошетка низ центарот на Монтекатини Терме, Пјаца дел Пополо, Терме дел Тетучо, Монтекатини Алто.. Ноќевање.

3.Ден 01.08.2026 (сабота) ЧИНКВЕ ТЕРЕ – ПИЗА 

Појадок. Ден предвиден за целодневна факултативна екскурзија до најпознатите и најживописни селца на италијанската ривиера, посета на националниот парк Чинкве Тере. Пристигнување во градот Ла Специја од каде со во воз на Трен Италија ќе се движеме цел ден долж лигурската обала низ петте селца. Чинкве Тере e низа од пет стари рибарски села, сместени високо на италијанската ривиера во регионот Лигурија кои до неодамна беа поврзани само со мазги и достапни само со железница или по воден пат. Пешачење по ова живописно крајбрежје е најдобриот начин да се истражат петте села: Riomaggiore, Manarola, Corniglia, Vernazza и Monterosso. Националниот парк Чинве Тере е познат по својата убавина. Со векови, луѓето тука граделе тераси за одгледување винови лози и маслинки на грубиот, стрмен терен, долж карпите од каде се издигаат заносни панорами кон Средоземното Море. Воодушевувачките погледи на пристаништата далеку под дивото, но гостопримливо крајбрежје, заедно со средновековните тврдини и изобилството на винова лоза и живописни бои го прават овој регион незаборавен. По разгледот враќање во Ла Специја од каде се упатуваме кон попатна посета на Пиза. Прошетка низ еден од највеличенствените плоштади во Италија Piazza dei Miracoli или Плоштадот на Чудата, заедно со Катедралата – Duomo, Крстилиницата Свети Јован – San Giovanni и познатиот симбол на Пиза, Кривата кула. Слободно време за индивидуални активности, прошетки и фотографирање. Во договорено време се враќаме назад во хотел. Ноќевање.

4. Ден 02.08.2026 (недела) СИЕНА – VAL D’ORCIA – ПЈЕНЦА  

Појадок. Ден предвиден за факултативен излет на Сиена, Val d’Orcia и Пјенца. Пристигнување во Сиена, веројатно најубавиот средновековен град во Италија, вечниот ривал на Фиренца. Срцето на Сиена е нејзиниот централен плоштад Il Campo, познат по трките со коњи Palio кои тука се одржуваат два пати годишно. Разглед на градот: црквата San Domenico, Катедралата Siena – Metropolitana di Sandra Maria Assunta, Pallazo Salimbeni и Piazza Salimbeni  и плоштадот.. Слободно време за индивидуални прошетки и разгледи. Во договорено време патувањето го продолжуваме кон Val d’Orcia, познато по својата неодолива природна убавина и најфотографираното место во Тоскана. Ова подрачје е светски познато по своите ридови и вински лозја. Првата локација што ќе ја посетиме е San Quirico d’Orcia Viewpoint, од каде се отвара неверојатен поглед на Тоскана. По кратка пауза за фотографирање и слободно време, ќе продолжиме со патувањето до Пјенца. Пристигнуваме во Пјенца, мало, тосканско село познато по својата архитектура и преубави панорамски погледи кон тосканските ридови. Ќе го посетиме Punto Panoramico di Val d’Orcia, од каде ќе имаме панорамски поглед на целото подрачје и лозјата на Тоскана. После тоа, ќе имаме слободно време за уживање во аперитив во некој од локалните кафе барови и автентични тоскански ресторанчиња. По завршување на разгледот враќање во хотел. Слободна вечер за уживање низ Монтекатини Терме. Ноќевање. 

5. Ден 03.08.2026 (понеделник) ВИЈАРЕЏО 

Појадок. Гратис ден на море и плажа во Вијареџо – 10 км долга песочна плажа на Тиренско Море, познат како „Фиренца на море“. Слободно време за бањање, сончање и индивидуални активности и прошетки. Враќање во хотел. Ноќевање.

6. Ден 04.08.2026 (вторник) ФИРЕНЦА 

Појадок. После појадокот заминување за посета на Фиренца, срцето на Италија и бисерот на ренесансата. Рано наутро поаѓаме кон Фиренца. Пристигнуваме во Фиренца каде се сретнуваме со локалниот водич и го започнуваме разгледот на Фиренца: Стариот Мост – Понте Векио, Дуомото – Санта Марија дел Фјоре, Крстилницата Сан Џовани, Старата Палата – Палацо Векио, Плоштадот Сињори… По разгледот оставаме доволно слободно време за индивидуални прошетки, разгледи и шопинг, можност за посета во некои од музеите, дегустација на локални тоскански производи во еден од најубавите ренесансни градови на Италија. Во договорено време со водичот поаѓање за Скопје. Ноќно возење преку Словенија, Хрватска и Србија со попатни паузи за одмор и обавување на царински формалности.  

7.Ден 05.08.2026 (среда) СКОПЈЕ

Пристигнување во попладневните часови.

ПРОМО ЦЕНА до 10.06 – 239€/14.818 мкд

***Со пријава на пакет екскурзии од 130€

Редовна цена на аранжманот: 279€/15.438 мкд

(уплата во денари по курс 1€ = 62 мкд; по лице за најмалку 2 лица во соба)

Во цената на аранжманот е вклучено:

– Автобуски превоз со високотуристички автобус

– 4 ноќевања со појадок во хотел 3* во Монтекатини

– Организирана посета на Болоња и Пиза 

– Комплетна организизација и реализација на програмата

– Лиценциран туристички придружник за цело време на патувањето

Во цената на аранжманот не е вклучено:

– Туристичка такса во хотел (3€ по лице од ноќ – 12€ вкупно за цел престој)

– Патничко и здравстевно осигурување

– Чинкве Тере – 60€ (трансфер, карта за воз, посети – доплата на лице место)

– Сиена, Val d’Orcia и Пјенца – 60€ (трансфер, локален водич, разглед – доплата на лице место)

– Фиренца – 30€ (трансфер, локален водич, разглед – доплата на лице место)

Промо пакет факултативи: 130€ наместо 150€!

Важни напомени:

– За ова патување потребен е биометриски пасош со валидност од минимум 6 месеци

– За резервација потребен е 30% депозит 

– Можност за избор на седиште со доплата (минимум 2 седишта) 

– Цените се дадени по лице за најмалку 2 лица

– Доплата за еднокреветна соба: 80€

– Со потпишување на договорот на патниците им се доделуваат седишта според времето на уплата, доколку одредени патници имаат посебни барања за конкретно седиште истото го доплаќаат во агенција.

– Цените се дадени во евра за уплата исклучиво во денарска противвредност по курс 1€=62мкд. 

– За реализација на факултативите потребен е минимум од 30 патници, во случај на недоволен број на пријавени, агенцијата го задржува правото за отказ на факултативата или промена на цената. 

– Агенцијата го задржува правото за отказ на аранжманот најдоцна до 7 дена пред поаѓање доколку не е исполнет бројот на пријавени лица предвидени по програмата за ова патување. 

– Организаторот го задржува правото за промена на редоследот на активности во програмата во случај на потреба.  

– За ова патување важат Општите Услови за Патување на СКТМ.